Plantun de Prouvènço

Pèr coumpara dos planto d'encò nostre

Anemone baldensis & Hordeum murinum

Barbanto(-dóu-mount-Baldo)

Anemone baldensis

Ranunculaceae

Àutri noum : Bóumiano, Boumània, Barbudo.

Nom en français : Anémone du mont Baldo.

Descripcioun :
Aquesto barbanto, que porto lou noum d'uno mountagno d'Itàli, trachis dins li pelouso cauquiero d'àutis Aup. Es uno planto di proun pelouso, emé de flour soulitàri que se destrìon dis àutris anemouno bonodi si noumbróusi tepalo (8 à 20) blanco. Lou fru douno d'èr à-n-uno frago e à uno bello coulour vióuleto (fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 15 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Anemone
Famiho : Ranunculaceae

Ordre : Ranunculales

Coulour de la flour : Blanco
Petalo : >6
Ø (o loungour) flour : 2,5 à 4 cm
Flourido : Printèms - Estiéu

Sòu : Ca
Autour basso e auto : 1700 à 2800 m
Aparado : Noun
Jun à setèmbre

Liò : Pelouso roucaiouso - Esboudèu
Estànci : Aupen
Couroulougi : Bourealo
Ref. sc. : Anemone baldensis L., 1767

Estranglo-chivau

Hordeum murinum

Poaceae Graminaceae

Àutri noum : Trauco-sa, Espigau, Chaisse, Sauto-roubin, Chai.

Noms en français : Orge des rats, Orge des souris.

Descripcioun :
Aquesto "marrido-erbo" porto proun de noum segound li relarg (douna peréu i calido g. anisantha). Li proumié noum vènon pulèu de basso Prouvènço alor que Cai, Chai e Chaisse soun mai gavot. La subsp. presentado eici, èi Leporinum (fotò).

Usanço :
L'estranglo-chivau èi redouta pèr li païsan : "Moun paire coupavo lei fen avans que siguèsson maüras, aquéleis erbo, lei trauco-sa. Es dangerous, pèr lei bèsti" (J. Delaunay in O. Madon, op.cit. p. 129), e peréu : " Lou trauco-sa, quand es sous la lengo dóu chivau, fau ana lou cerca acò ! Lou fai bava." (E. Calabrin, ibid.). Tambèn se saup proun qu' "acò rintr[o] dins leis auréios dei chins", La Baumo (in J.-L. Domenge, EbV, op.cit.) .

Port : Erbo
Taio : 10 à 50 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Hordeum
Famiho : Poaceae
Famiho classico : Graminaceae
Tribu : Triticeae
Ordre : Poales

Coulour de la flour : Verdo
Petalo : ges
Ø (o loungour) enflourejado : 7 à 9 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à setèmbre

Liò : Escoumbre e proche dis oustau - Camin - Ermas
Estànci : Termoumediterran à Mountagnard
Couroulougi : Bourealo
Ref. sc. : Hordeum murinum L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Anemone baldensis & Hordeum murinum

ges

Coumpara Barbanto(-dóu-mount-Baldo) emé uno autro planto

Coumpara Estranglo-chivau emé uno autro planto